Kryetari i Bashkimit Demokratik për Integrim, Ali Ahmeti, ka uruar Samitin e Komunitetit Politik Europian që ka nis në Tiranë, ndërsa ka përgëzuar kryeministrin Edi Rama dhe Shqipërinë për mikpritjen bujare tradicionale dhe organizimin e shkëlqyer.
Urimi i plotë i Ali Ahmetit:
I lumtur për Shqipërinë dhe shqiptarët teksa shoh liderët e të gjitha vendeve të kontinentit të vjetër, si asnjëherë më parë, duke përshkuar bulevardin e Dëshmorëve të Kombit në Tiranë dhe tubohen nën mburojën e më të madhit ndër ne, Gjergj Kastrioti Skenderbeu.
Të lumtë Edi, Shqipëria tashmë është yll europian!
Uroj punë të mbarë Samitit të Komunitetit Politik Europian dhe përgëzoj Shqipërinë për mikpritjen bujare tradicionale dhe organizimin e shkëlqyer.
Ditë të mira për Shqipërinë dhe shqiptarët
