Kryetari i Parlamentit në Republikën e Maqedonisë së Veriut, Afrim Gashi në një intervistë për Tv Sitel ka deklaruar midis tjerash se ai është i lumtur që nesër do të ketë interpelancë ndaj tij.
“Është e mirë që kemi demokraci dhe mendime të ndryshme. Jam i lumtur që nuk ka njëmendësi. Unë pres dhe jam i lumtur që po ofrohet mundësia e inteprelancës që të sqarojmë disa gjëra në opinion që qarkulluan në të kaluarën. Për titujt në gazeta nuk jam unë përgjegjës, duhet dikush tjetër të kërkoje falje për to. Unë e kam ndërgjegjen e pastër, pasi që me asgjë nuk kam nxitur një histeri të tillë në opinion. Nëse shikoni në esencën e interprelancës nuk bëhet fjalë për diçka që është në shkeljen e rregullores së punës së Parlamentit, marrja e të drejtës të ndonjë deputeti ose grupi parlamentar e kështu me radhë. Por, më shumë ka të bëjë me tema trivilae ku rrjetet sociale tashmë një kohë duan pëlqime dhe komente. Fatkeqësisht disa medie me atë merren. Po në rregull, edhe për atë do të flasim.”, deklaroi ndërmjet tjerash Gashi.
