Kryeministri Hristijan Mickoski, duke u përgjigjur sot në një pyetje gazetareske lidhur me deklaratën e tij të djeshme se së shpejti mund të ketë zgjedhje, theksoi se aktualisht fokusi i Qeverisë është te reformat dhe konsolidimi, ndërsa zgjedhjet, siç tha ai, do të mbahen në pranverën e vitit 2028.
“Ka disa parti që u frikësuan nga ajo deklaratë, unë po e ndjek. Por qëndrimin tim e dini. Qëndrimi im është se këtë vit nuk ka zgjedhje, ky vit është vit reformash dhe konsolidimi. Do të doja të kemi zgjedhje të rregullta që do të ndodhin në pranverën e vitit 2028. Sa i përket vitit 2027 si opsion, ju e dini se VMRO-DPMNE është gjithmonë e gatshme të shkojë në zgjedhje dhe të fitojë. Por ajo që po bëjmë tani dhe ku është fokusi ynë është të realizojmë reforma dhe të rrisim aktivitetin ekonomik, me qëllim që të përmirësojmë edhe standardin e jetesës së qytetarëve”,deklaroi kryeministri Mickoski.
