Presidenti i SHBA-së, Donald Trump postoi të hënën një video të shpërthimeve masive mes sulmeve të reja ndaj Iranit, transmeton Anadolu.
Trump ndau një video të shpërthimeve pa censurë dhe pa titra në “Truth Social”.
Më parë, “Wall Street Journal” raportoi se SHBA-ja goditi një depo të madhe municionesh në qytetin iranian të Isfahanit me bomba bunker shpërthyese prej 2.000 paundësh.
Duke cituar një zyrtar amerikan, raporti tha se një vëllim i madh i bunker shpërthyesve ose municioneve depërtuese, u përdorën për sulmin.
Veçmas, shpërthime u dëgjuan edhe në kryeqytetin e Iranit, Teheran, sot në mëngjes.
Përshkallëzimet rajonale kanë vazhduar që kur Izraeli dhe SHBA-ja nisën ofensivë të përbashkët ndaj Iranit më 28 shkurt, duke vrarë më shumë se 1.340 njerëz, përfshirë ish-udhëheqësin suprem Ajatollah Ali Khamenei.
Irani është kundërpërgjigjur me sulme me dronë dhe raketa që kanë shënjestruar Izraelin, Jordaninë, Irakun dhe vendet e Gjirit që strehojnë asete ushtarake amerikane, duke shkaktuar viktima dhe dëme në infrastrukturë ndërsa kanë prishur tregjet globale dhe aviacionin.
