Deri në fund të vitit kalendarik, punëtorëve do t’u derdhet në llogari regresi për pushim vjetor.
Shuma minimale për pagesën e regresit për pushim vjetor, sipas ligjit, është përcaktuar në 40% të pagës mesatare të paguar. Për këtë vit, shuma në sektorin privat është 18.141 denarë, ndërsa në sektorin publik është 12.372 denarë.
Sipas ligjit, punëdhënësit janë të detyruar ta paguajnë K-15 deri më 31 dhjetor.
Nëse punonjësit nuk e marrin minimumin ligjor për K-15, ata mund të paraqiten në Sindikatë ose në Inspektoratin Shtetëror të Punës.
Regresi për pushim vjetor paguhet një herë gjatë vitit kalendarik dhe pagesa është e detyrueshme për punëdhënësit në sektorin privat për punonjësit që kanë punuar të paktën 6 muaj tek i njëjti punëdhënës brenda një viti kalendarik.
