Kryetari i ri i komunës së Dibrës, Fisnik Mela, i cili ishte kandidat i VLEN-it, pasdite përmes një publikimi në Fejsbuk i falënderoi banorët e kësaj komune për mbështetjen dhe fitoren në rrethin e dytë të votimeve.
“Nga zemra i falënderojmë të gjithë qytetarët e Dibrës, çdo familje, të rinjtë, gratë, të moshuarit dhe para së gjithash, diasporën tonë të respektuar, e cila ka qenë forca dhe frymëzimi ynë në këtë udhëtim. Kjo fitore nuk është vetëm për Fisnik Melën, por fitore për çdo banor të Dibrës, që besoi se ndryshimi ishte i mundur, për çdo banor të Dibrës që votoi me zemër, për punë, zhvillim, dinjitet dhe për të ardhmen e qytetit dhe komunës sonë. Fitoi suksesi i përbashkët i qytetarëve, diasporës dhe çdo zemre që besonte te Dibra”, theksohet në publikimin.
Theksoi se për Dibrën po fillon një kapitull i ri, me besim, transparencë dhe vizion.
“Faleminderit deri të të gjithë që kontribuan, u angazhuan dhe besuan. Së bashku do ta bëjmë Dibrën një shembull suksesi, pune dhe uniteti. FALEMINDERIT”, theksoi Mela.
Në rrethin e dytë të votimit për kryetar të komunave të djeshëm, ai, mori mbështetjen e 4.369 qytetarëve, ndërsa kundërkandidati i tij, Ramadan Imeri, i cili ishte kandidat i pavarur, fitoi 3.674 vota
