Chelsea nuk ka lejuar befasi dhe është kualifikuar në finale të Kupës EFL (Carabao Cup).
Të martën mbrëma, Chelsea e fitoi bindshëm, 6:1, ndeshjen e dytë gjysmëfinale ndaj Middlesbrough.
Skuadra e kategorisë së dytë angleze, Middlesbrough, kishte fituar 1:0 në ndeshjen e parë gjysmëfinale të zhvilluar më 9 janar.
Por në ndeshjen e së martës mbrëma Chelsea nuk lejoi të befasohet. Jonny Howson shënoi autogol në minutën e 15-të, ndërsa më pas në pjesën e parë realizuan Enzo Fernandez, Alex Disasi e Cole Palmer.
Palmer shënoi një gol edhe në pjesën e dytë, ndërsa Noni Madueke shënoi golin për 6:0. Për Middlesbrough realizoi Morgan Rogers në minutën e 88-të.
Armando Broja startoi te Chelsea dhe luajti deri në minutën e 65-të.
