Zv.kryeministri Arben Fetai, vlerëson se partia e Ali Ahmetit ka nevojë për reforma të thella.
Në emisionin “Dialog te Lajmi” që transmetohet sonte ora 18:30, Fetai tha se BDI-ja është në krizë të thellë dhe se kryesia e saj ngjan me listat e Interpolit.
“Nuk mundet të vazhdojë kjo BDI me këta njerëz që e rrethojnë kryetarin e tyre të cilët siç e thash duken më tepër si një listë interpoli se sa një kryesi partie. Nuk munden këta të vazhdojnë dhe të na shesin moral neve, qoftë në rrafshin kombëtar, qoftë në atë etik sepse nuk kanë më kredo. Ata bëjnë mirë të reformohen dhe reformat të fillojnë nga koka dhe jo nga poshtë. E shohim që BDI fillon reformat nga poshtë dhe i dimë rezultatet e atyre refomave. Në vitin 2019, apo kur ishte, ata thanë se kanë bërë një lloj vetingu nën udhëheqjen e Artan Grubit, Artan Grubi sot është në listën e zezë amerikane. Poashtu në listën e zezë amerikanë është edhe Ramiz Merko i cili kishte kaluar këtë proces para se të shpallet për kandidat për Strugë përsëri”, tha Fetai në emisionin “Dialog te Lajmi”
