VLEN: Nuk kemi ndarë komunat e as kandidatët që do të prijnë e fitojnë në komunat shqiptare

Nga koalicioni VLEN përmes një komunikate kanë njoftuar qytetarët dhe të gjithë mediat, që si Koalicion VLEN akoma nuk kanë ndarë komunat e as kandidatët që do të prijnë e fitojnë në komunat shqiptare.
“Prandaj, lusim për durim mediat dhe qytetarët për vëmendje që mos të bien pre e spekulimeve të ndryshme.
E kuptojmë interesimin e lartë për këtë çështje të rëndësishme, dhe pikërisht kjo është arsyeja që nuk jemi duke nxituar.
Koalicioni VLEN ka koordinim të vazhdueshëm, andaj për çdo çështje në kohë do të jetë i njoftuar opinioni me vendimet e Koalicionit.
Kujtojmë që, pavarësisht se si do të jetë ndarja e komunave fitoren e kemi të përbashkët gjithandej, çdokund, në çdo komunë!”, thonë nga VLEN.