Një qartësim mbi listën e zezë amerikane
Kryetari i Alternativës z.Zeqirija Ibrahimi ka sqaruar kriteret kryesore mbi të cilat individët ose grupet përfshihen në listën e zezë të Shteteve të Bashkuara të Amerikës. Sipas tij, nuk bëhet fjalë vetëm për raste korrupsioni, por veçanërisht për ata që veprojnë kundër interesave amerikane dhe cenojnë sigurinë e aleancës së udhëhequr nga SHBA.
“Nëse do të përfshiheshin vetëm të korruptuarit, nuk do të mbetej lidership në Soravi,” ka theksuar ai, duke nënkuptuar se kriteret për përfshirje në këtë listë janë më të gjera dhe përfshijnë faktorë gjeopolitikë.
Ibrahimi ka vënë theksin te një parti politike specifike, të cilën e identifikon si forcën më të dyshimtë për lidhje me interesat ruso-kineze dhe për një agjendë antiamerikane. Sipas tij, kjo parti, e njohur më parë si Soravia, tashmë mund të quhet “No Grata”, duke ironizuar me emërtimin e saj të ri.
Ky reagim vjen në një kohë kur Shtetet e Bashkuara kanë shtuar përpjekjet për të ndëshkuar aktorët që minojnë stabilitetin dhe sigurinë rajonale përmes ndikimeve të huaja dhe veprimeve kundër perëndimit.
